Gluggarnir okkar eru í menningarnæturbúningi. Þar má meðal annars sjá nýju Guðsteinsslaufurnar sem eru íslensk framleiðsla. Hólmfríður María (1914-1989), dóttir Guðsteins Eyjólfssonar, lærði hálsbindasaum í Danmörku á fjórða áratugnum og framleiddi um áratugaskeið bindi sem seld voru í versluninni. Nýju slaufurnar okkar eru framleiddar undir merkinu Arfur, en afkomendur Hólmfríðar og Eyjólfs, bróður hennar, reka nú verslunina, þriðji og fjórði ættliður. Í byrjun verðum við með til sölu 25 handsaumaðar slaufur úr efnum sem Hólmfríður skildi eftir sig og að auki eftir hennar sniðum. Verð kr. 5900.